Aberdeen

Wëllkomm zu Aberdeen

Aberdeen läit am Nord-Osten vun Schottland, direkt un der Küst. An der sou genannter Granite City reent et oft manner wéi op aneren Platzen a Schottland,mee d’Wieder ass onbestänneg an ännert oft ganz schnell, sou kann een Moies aus der Fënster kucken an bloen Himmel a Sonn gesinn an dann eng Stonn dono aus dem Haus goen an plätschnaass ginn.

Aberdeen ass déi 3. gréissten Stad an Schottland mat knapp 200000 Awunner, wouvun der eng 30000 Studenten sinn déi op der University of Aberdeen an der Robert Gordon University ageschriwwen sinn.

Firwat studéiers du zu Aberdeen?

‘Ech sënn op Aberdeen komm well et eng Stad ass mat immens vill perséinlechem an besonneschem Charme. Vun den aleGebaier, iwwert d’Frëndlechkeet an d’Hëllefsbereetschaft vun den Leit, bis hin zu den verfroossenenSéiméiwen ass alles dobäi. D’Qualitéit vun den Coursen ass einfach top an et fält engem super einfach sech doheem ze fillen.’
Tim Grüneisen, studéiert Englesch

‘Aberdeen ass villäicht eng kleng Stad, mee huet ganz Villes ze bidden! Op een op t Mier, Geschäfter oder Pubs Loscht huet, et ass fir jiddereen eppes dobäi! T’Proffe souwuel ewéi t’Studenteveräiner sinn och immens hëllefräich wat engem direkt en gudden a frëndlechen Androck gëtt.’
Elodie Esteves, studéiert Anthropologie

Wéi een Studiegang ass bei den Lëtzebuerger Studenten am meeschten besat/ am beléiftsten?

Däi meeschten Lëtzebuerger ginn Englesch studéieren, mee an deen leschten Joren, kommen ëmmer méi Leit Bio, Anthropologie, Mathematik, Physik asw. studéieren.

Wéi bréngt d’LSA d’Lëtzebuerg Studenten zesummen?

All Semester organiseieren mir Eventer. Hei sinn 3 vun eisen Lieblingseventer:
  • Eisen Kniddel Owend eemol d’Semester
  • Visitt vum Chrëschtmaart zu Edinburgh
  • Eng Movie Night mat engem Film den aktuel am Kino leeft

Schottland entdecken

Aberdeen läit och schonn an den Highlands an vill Busser bréngen een op schéin Platzen vun wou een och mol en Dag trëppelen kann goen oder en Weekendrees maachen kann.

Wunnen zu Aberdeen als Student

Wann’s du ob der Uni ugeholl gëss, kriss du d’Méiglechkeet fir dech fir een Studentenheem unzemellen. Des Wunnheemer sinn vun der Uni reguléiert. Hei ginn et zwou Haaptkategorien: catered an self-catered. Hei ass d’Fro ob een well selwer kachen (self-catered) oder een well an der Kantin iessen (catered). Bei deenen zwou Kategorien kann een sech dann och nach jeeweils entscheeden ob een en eegent Buedzëmmer well hunn oder een sech mat engem gedeelten zefridden gëtt. Dat feiert natierlech dozou dass den Preis extrem variéieren.

Hei leien d’Preiser vun £90 – £148 pro Woch.

Des weideren huet een och d’Méiglechkeet fir mat den privaten Studentenwunnheemer ze fueren. Do ginn ett zum Beispill United Students oder Student Roost.

Hei leien d’Preiser vun £70 – £650 pro Woch.

Ett kann een natierlech och privat wunnen oder an enger WG. Fir d’Option vun der WG gett ett eng super Internetseit (SpareRoom) wou d’Leit sech mellen kennen wann se eppes sichen oder offreieren.

Hei leien d’Preiser vun £205 – £500 pro Mount.